काठमाडौं । असनको कोथुननि (घडीघर) बचाउ अभियान समितिद्वारा आन्दोलनको तयारी गरेको छ ।
गुठी संस्थानले कोथुननिस्थित वायुदेवता गुठी भत्काई व्यापारिक भवन निर्माण गर्ने भएपछि समितिले सो विरुद्ध संघर्षको कार्यक्रम घोषणा गर्ने समितिका सदस्य सजिब बज्राचार्यले महनगरखवरलाई बताएको छ ।
गुठी संस्थानले बैशाख १२ गते काठमाडौं महानगरपालिका वडा २७ लाई पत्र लेखि वायुदेवता गुठी भत्काउने सुचना जारी गरेको थियो ।
वायु देवता गुठीमा रहेका १४ परिवारसँग भएको वहाल÷करार सम्झौता विपरित गुठी संस्थानले एक बहुउदेश्यीय सहकारी संस्थासँग अर्को बहाल कर सम्झौता गरेपछि विवाद सुरु भएको थियो ।
ऐतिहासिक महत्वको सो असन घडी घर कुनै हालतमा पनि व्यापारिक भवन निर्माण गर्न नदिने पक्षमा स्थानीयवासी, सम्पदाप्रेमी र सरोकारवालाहरु देखिएका छन ।
परापूर्वकालदेखि नै वायुदेवता गुठीको मर्मत, सम्महार तथा रेखदेख गर्दै आएको उनीहरुले गुठी संस्थानसँग पुरानै संरचनामा भवन पुननिर्माण गर्ने माग गरेपनि गुठी संस्थानले अस्वीकार गर्दै आएको छ ।
बज्रचार्यका अनुसार मंगलबार समितिको एक बृहत छलफल पछि आन्दोलनको कार्यक्रम सार्वजनिक गर्ने भएका छन ।
Categorized in समाज
