काठमाडौं । स्व. नेता पिएल सिंहको पूण्यतिथिको अवसरमा काठमाडौंको असनमा दीप प्रज्वलन गरिएको छ ।
शुक्रवार साँझ असन चोकस्थित अन्नपूर्ण मन्दिरको डवलीमा दीप प्रज्वलन गरेको काठमाडौं महानगरपालिका–२७ का वडा अध्यक्ष योगेश कुुमार खड्गीले बताए ।
वडा अध्यक्ष खड्गीले काठमाडौं महानगरका परिकल्पनाकार तथा महानगरको प्रथम मेयर स्व. नेता सिंहको सम्झानमा १३ दिनको पूण्यतिथिमा दीप प्रज्वल गरेको जानकारी दिए । स्व. सिंहको पुस १ गते ८८ बर्षको उमेरमा ठमेलस्थित चाक्सीबारी निवासमा निधन भएको थियो ।
कार्यक्रम नेपाली कांग्रेस काठमाडौं महानगर– २७ वडा कार्यसमिति परिवारले आयोजना गरेको थियो ।
तस्वीरहरुः बिज्जु श्रेष्ठ/महानगरखबर
Categorized in समाज
