काठमाडौं । ललितपुरको अल्का अस्पतालमा चीनले अनुदानमा दिएको कोरोना खोप (सिनोफार्म ) लगाउन सकिने भएको छ ।
बुधबार र बिहीबार खोप लगाउन बाँकी रहेकाहरुले सरकारले तोकेको उमेर समूहमा छुटेका नागरिकले अअस्पताल पुगेर खोप लगाउन सक्ने छ ।
ललितपुरका सहायक प्रमुख जिल्ला अधिकारी ललितकुमार बस्नेतका अनुसार धेरै सेवाग्राहीले छुटेको गुनासो गरेपछि जिल्ला प्रशासन कार्यालयको समन्वयमै अल्का अस्पतालबाट दुई दिन खोप दिने निर्णय गरिएको हो ।
सिनोफार्म खोप सरकारले चीनमा अध्ययन गर्न जाने विद्यार्थी, चीनसँग व्यापार–व्यवसाय गर्ने व्यापारी, सवारी चालक–सहचालक लगायतलाई प्राथमिकतामा राखेर चिनियाँ खोप लगाउन थालेको थियो ।
त्यसपछि सरकारले ४० वर्षदेखि माथि ५९ वर्षसम्मका सबै नागरिकलाई चिनियाँ खोप लगाउन भनेको थियो ।
Categorized in स्वास्थ्य