काठमाडौं । अर्घाखाँचकिो सन्धिखर्कमा बुधवार यात्रुवाहक बस दुर्घट्ना हुँदा ८ जनाको मृत्यु भएको छ ।
५ नं. प्रदेश प्रहरीका अनुसार दुर्घट्नामा मृत्यु हुनेहरुमा ५ जना पुरुष र ३ जना महिला रहेको छ । थप विवरण आउन बाँकी रहेको प्रहरीले जनाएको छ ।
बुधबार दिउँसो करिब २ बजेतिर लु २ ख २१४८ बस सन्धिखर्कबाट बुटवल आउँदै गर्दा सन्धिखर्क नगरपालिका वडा नम्बर ६ नरपानीमा उक्त बस दुर्घटनामा परेको हो ।
प्रदेश प्रहरी प्रमुख डीआईजी सुरेश विक्रम शाहीका अनुसार बस सडकबाट करिब ४ सय मिटर तल खसेको र अन्य ११ जना घाईते समेत भएको बताएको छ ।
१८ बढी यात्रु बोकेको उक्त बस दुर्घटनाबारे प्रहरीले अनुसन्धान अघि बढाएको जनाएको छ ।
त्यसैगरी हुम्लाको सिमिकोटमा आज एक टिपर दुर्घट्ना हुँदा ३ जनाको मृत्यु भएको छ ।
जिल्ला प्रहरी कार्यालय हुम्लाका नायव प्रहरी उपरीक्षक (डीएसपी) रामप्रसाद घर्ती मगरका अनुसार अन्य १२ जना घाइते भएका छन ।
घाइतेलाई उद्धार गरी जिल्ला अस्पताल सिमिकोट लगिएको छ । मजदुर बोकेर नाम्खाबाट जिल्ला सदरमुका सिमिकोट आउँदै गरेको लु४ख ३२६९ नम्बरको टिपर दुर्घटना भएको हो ।
दुर्घटनामा मृत्यु भएकाहरुको सनाखत हुन बाँकी रहेको र घाईतेहरुको परिचय पनि खुल्न सकेको छैन ।
Categorized in समाज