अमेरिकी राष्ट्रपति जो बाइडेनलाई धम्की दिने युवक पक्राउ
काठमाडौं । अमेरिकी राष्ट्रपति जो बाइडेनलाई धम्की दिने एक युवकलाई पक्राउ गरेको छ ।
नर्थ क्यारोलाइनाका २७ वर्षीय डेभिड के रिभेसलाई प्रहरीले अघिल्लो साता संघीय अभियोगमा पक्राउ गरेको हो । उनले राष्ट्रपति कार्यालय ह्वाइटहाउसमा फोन गरेर राष्ट्रपति जो बाइडेनलाई मार्ने धम्की दिँदै आएका थिए ।
डेभिडले जनवरी अन्तिमदेखि फेब्रुअरी पहिलो सातासम्म ह्वाइटहाउसमा फोन गरेर म बाइडेनको घाँटी काट्छुु भन्दै धम्की दिने गरेको समाचार ऐजेन्सीले उल्लेख गरेको छ ।
अभियोजनकर्ताहरूका अनुसार उनले क्यापिटल प्रहरी र सेक्रेट सर्भिस एजेन्टलाई पनि धम्की दिने गरेका थिए ।
अमेरिकी राष्ट्रपतिलाई धम्की दिनेलाई पाँच वर्ष जेल र २ लाख ५० हजार अमेरिकी डलरसम्म जरिवाना हुने कानुनी व्यवस्था छ ।
सेक्रेट सर्भिस एजेन्टसँग कुरा गरेको साँझ उनले फेरि ह्वाइटहाउसमा फोन गरेर राष्ट्रपति बाइडेनलाई मार्ने धम्की दोहोर्याएका थिए ।
डेभिडका वकिलले उनमा मानसिक समस्या रहेको बताएका छन । गत महिना पूर्वराष्ट्रपति डोनाल्ड ट्रम्प र अन्य मानिसलाई ज्यान मार्ने धम्की दिने एक जनालाई ९ वर्ष जेल सजाय सुनाइएको थियो ।
Categorized in अन्तर्राष्ट्रिय
