अमेरिकी कम्युटर जोगाउन संकटकाल घोषणा
काठमाडौं । अमेरिकामा साईवर आक्रमण हुने संभावना भएको भन्दै अमेरिकी राष्ट्रपति डोनाल्ड ट्रम्पले राष्ट्रिय संकटकाल घोषणा गरेको छ ।
ट्रम्पले एक कार्यकारी आदेश जारी गरेर राष्ट्रिय संकटकाल घोषणा गरेको बीबीसीले उल्लेख गरेको छ । संकटकालको आदेशसँगै अब अमेरिकी कम्पनीहरुलाई विदेशी टेलिकम सेवा उपयोग गर्न पाउने छैन ।
समाचारमा उल्लेख भए अनुसार विदेशी टेलिकम सेवाबाट राष्ट्रिय सुरक्षामा खतरा हुन ट्रम्पको भनाई छ ।
अमेरिकाले चिनियाँ टेलिकम कम्पनी हुवावेप्रति शंका गरेको विश्वलेषकहरुको भनाई छ । यस कम्पनीलाई अमेरिका लगायत धेरै देशहरुले निगरानीमा राखेको छ ।
टेलिकम उपकरण बनाउने विश्वको सबैभन्दा ठूलो कम्पनी हो हुवावे ।
यस विषयमा भने हुवावे कम्पनीले यो आरोप निराधार भएको जनाएको विविसीमा उल्लेख छ ।
अमेरिकाले आफनो देशको गोप्य सुचना तथा जानकारीहरु बचाउन यो कदम अघि सारेको तर्क पेश गरेको छ ।
Categorized in अन्तर्राष्ट्रिय
