काठमाडौं । अमेरिकाको टेक्सासमा एक बन्दुकधारीको आक्रमणबाट ५ जनाको ज्यान गएको छ ।
टेक्सासका पश्चिमी शहरहरू ओडिसा र मिडल्यान्डमा शनिबार दिउँसो बन्दुक आक्रमण हुँदा २२ जना घाईत भएको अधिकारीहरुले जनाएको छ ।
घाईतेहरु मध्ये ओडेसाको अस्पतालमा उपचाररत घाइतेमध्ये ७ को अवस्था गम्भीर रहेको अमेरिकी सञ्चारमाध्यमहरुले जनाएको छ ।
सो बन्दुक आक्रमण २ बर्ष मुनिका बच्चालाई समेत गोली लागेको छ ।
गाडीमा सवार बन्दुकधारी बन्दुधकधारीले सो क्षेत्रमा अन्धाधुन्द गोली चलाएको टेक्सासका प्रहरी प्रवक्ताले जनाएको छ ।
बन्दुकधारीले गाडी रोक्ने ट्राफिक माथिनै पहिलो गोली चलाएपछि ती बन्दुकधारी हुलाक सेवाका ट्रक नियन्त्रणमा लिएर मिडल्यान्ड नगरतर्फ हुइँकिएका थिए ।
प्रहरीले एक संदिग्ध गोरा पुरुषलाई गोली हानेर मारेको छ । उनलाई प्रहरीले एउटा सिनेमाघर नजिकै गोली हानेर मारिदिएको हो । घटनामा अन्य व्यक्तिको संलग्नता रहेरनरहेको बारे अनुसन्धान भइरहेको बताइएको छ ।
एक महिन अघि मात्र एल पासोमा भएको बन्दुक आतंककारी घट्नामा २२ जनाको ज्यान गएको थियो भने २४ जना घाइते भएका थिए ।
Categorized in अन्तर्राष्ट्रिय