काठमाडौं । संयुक्त राज्य अमेरिकाको क्यालिफोर्नियाको साक्रामेन्तो सहरमा गोली चल्दा कम्तीमा ६ जनाको मृत्यु भएको छ ।
समाचार संस्था एपीका अनुसार स्थानीय समयअनुसार आइतबार बिहानै सहरको डाउनटाउनमा एक बन्धुकधारीले चलाएको गोलीबाट उनीहरुको मृत्यु भएको छ भने ९ जना घाइते भएका छन ।
गोली चलेको स्थानमा ठुलो संख्यामा प्रहरी परिचालन भएको छ । गोली कसले चलाएको हो र मारिनेहरू को–को हुन भन्ने खुलिसकेको छैन ।
प्रहरीले घटनाको अनुसन्धान भइरहेको जनाएको छ ।
Categorized in अन्तर्राष्ट्रिय