काठमाडौं । सामाजिक सुरक्षा अन्तर्गतको बृद्धभत्ता पाउने उमेर ७० बर्ष कायम भएको छ ।
संसदको राज्यव्यवस्था समितिले सामाजिक सुरक्षाका लागि निर्माण गरेको विधेयकमा ७० बर्ष उमेर निर्धारण गरेको हो । यस अघि शेरबहादुर देउवा सरकारले २०७४ सालमा मन्त्रिपरिषदबाट वृद्धभत्ता पाउने उमेर ६५ कायम गरेको थियो ।
विधेयकमा जनआन्दोलनका घाईते र सहिद परिवारले पनि भत्ता पाउने व्यवस्था गरेको छ ।
सरकारले सामाजिक सुरक्षा बिधेयकले कानुन रुप लिने भएको छ । संसदमा शनिबार सो विधेयक पेश गरिदै छ ।
एकल महिला र दलितको हकमा भने भने ६५ वर्षकै उमेमा वृद्धभत्ता पाउनेछ ।
पूर्व प्रधानमन्त्री मनमोहन अधिकारीको सरकारले २०५१ सालमा ७५ वर्ष उमेर पुगेका वृद्धवृद्धालाई प्रतिमहिना १ सय रूपैँयाबाट सुरु गरेको सामाजिक सुरक्षा भत्ता अहिले २ हजार पुगेको छ ।
Categorized in समाज
