काठमाडौं । नेपाली ग्यास बुलेटले भारतबाट ग्यास आेसार्ने शुक्रवार भारत सरकारसँग सहमति जुटेको छ ।
उद्योग, बाणिज्य तथा आपूर्तिमन्त्री मातृका यादव र भारतका पेट्रोलियम मन्त्री धमेन्द्र प्रधानबीच आज नेपाली ग्यास बुलेटले ग्यास ल्याउने विषयमा सहमति भएको हो ।
हाल निर्माण भईसकेको ५३ वटा बुलेटलाई अनुमति दिएको हो । सहमति अनुसार ग्यास बुलेटले रिफाईनरी बाहेक टर्मिनल(स्टोरेज)बाट ग्यास भर्न पाउनेछ ।
एक्सप्लोसिभ कानुन अनुसार नेपाली वुलेटलाई रिफाइनरीमा जान दिन नमिल्ने भएकोले टर्मिनल(स्टोरेज)सम्मको पहुँच दिएको हो ।
यो सहमतिपछि इन्डियन आयल कर्पोरेशन(आइओसी)को टर्मिनल भएका स्थानमा मात्रै नेपाली वुलेटले ग्यास ल्याउन पाउनेछन ।
आइओसीको टर्मिनल मथुरा र पारादीपमा मात्रै भएको नेपाल आयल निगमले जनाएको छ ।
Categorized in बजार
