काठमाडौं । अबदेखि सवारी चालकहरूले ट्राफिक चेकिङको क्रममा नागरिक एपबाटै आफ्नो सवारी लाइसेन्स देखाए पुग्ने भएको छ ।
आइतवार काठमाडौं उपत्यका ट्राफिक प्रहरी कार्यालयले एक कार्यक्रम आयोजना गरी सवारी चालकहरूले आफ्नो लाइसेन्स नागरिक एपबाट देखाए पुग्ने घोषणा गरेको हो ।
उक्त कार्यक्रममा गृहमन्त्री रमेश लेखकले ट्राफिक उल्लंङ्घन रेकर्ड सिस्टम (टिभिआरएस) को ई–चलान (डिजिटल चिट) को शुभारम्भ गरेका हुन ।
ट्राफिक प्रहरीले पनि त्यहाँ देखाइने क्युआर कोडलाई नेपाल प्रहरीको एपबाट स्क्यान गरी सवारी लाइसेन्सको जाँच गर्न सक्छन जसले गर्दा सवारी चालकहरूले लाइसेन्स बोक्न अनिवार्य नहुने भएको हो ।
कसैले ट्राफिक उल्लंघन गरेमा चिटसमेत यसैबाट काट्न सक्ने सुविधा रहेको छ । चिट काटिसकेपछि भुक्तानी भएरनभएको विवरण पनि एपमै उल्लेख हुनेछ ।
Categorized in प्रबिधि
