काठमाडौं । काठमाडौं उपत्यकमा असार १४ गते सम्म निषेधाज्ञा थपिएको छ ।
उपत्यकाका मंगलवारदेखि वार अनुसार पसल खुल्ने र जोर–विजोर प्रणाली अनुसार निजी सवारी साधान चलाउन पाउने भएको छ ।
उपत्यकाका तीन प्रमुख जिल्ला अधिकारीहरूको आइतबार साँझ बसेको बैठकको निषेधाज्ञा थप गरेसँगै पसल र गाडी चलाउने पाउने भएको हो ।
बैठकले ट्याक्सीहरूलाई पनि जोर–बिजोर लागू गरेर चलाउन दिइने काठमाडौंका सहायक प्रमुख जिल्ला अधिकारी उमाकान्त अधिकारी बताएका छन ।
आइतबार, मंगलबार र बिहीबार ११ देखि ४ बजेसम्म सुन, भाँडाकुडा, अटो मोबाइल्स, विद्युतीय सामग्री खोल्न दिइने तथा सोमबार, बुधबार र शुक्रबार ११ बजेदेखि ४ बजेसम्म सपिङ मल, कपडा, जुत्ता, साडी, कस्मेटिक्स, फेन्सी टेलरिङ पसल खोल्न पाईने छ ।
उपत्यका प्रशासनले कोभिड–१९ भाइरसको ‘चेन ब्रेक’ गर्ने भन्दै १६ वैशाखदेखि निषेधाज्ञाको आदेश जारी गरेको थियो ।
Categorized in राष्ट्रिय