काठमाडौं । अबैध रुपमा वैदेशिक रोजगारीमा पठाउने २ जनालाई प्रहरीले काठकामाडौं तारेकेश्वरबाट पक्राउ गरेको छ ।
प्रहरीले काठमाडौं तारकेश्वर नगरपालिका– ८ जरङ्खु बस्नेहरू नवलपरासी गैंडाकोट नगरपालिका–१३ की ४३ बर्षीया मनमाया आचार्य र तनहुँ सुन्धारा–२ का ३९ बर्षीय छविलाल घिमिरेलाई पक्राउ गरेको हो ।
विशेष सूचनाको आधारमा खटिएको प्रहरीले उनीहरुको कोठाबाट विभिन्न ब्यक्तिको नामका नागरिकता ३४ थान, नेपाली राहदानी ३० थान, नेपाली नागरिकता तथा राहदानीका प्रतिलिपीहरु र वैदेशिक रोजगारीको लागि गरिएको स्वास्थ्य परीक्षण प्रतिवेदन १४ थान बरामद गरी उनीहरूलाई नियन्त्रणमा लिएको हो ।
यस सम्बन्धमा प्रहरीले आवश्यक अनुसन्धान गरिरहेको प्रहरीले जनाएको छ ।
Categorized in समाज
