काठमाडौं । काठमाडौं महागरपालिका वडा २३ ले प्रयागराज सिंह सुवाल स्मृति फुटसल अन्तर वडा प्रतियोगिता आयोजना गर्न गईरहेको छ ।
भाद्र २६ गतेदेखि असोज ३ गतेसम्म सो प्रतियोतिगा लैनचौर फुटसल मैदानमा हुने वडा अध्यक्ष मचाराजा महर्जनले जानकारी दिए ।
वडा अध्यक्ष महर्जनले प्रयागराज सिंह सुवालले आफ्नो, वडा तथा समाजप्रति देखाएको योगदानको कदरस्वरुप यो फुटसल प्रतियोगिता गर्न लागेको बताए ।
‘फुटसलको व्यवसायिक प्रवद्र्धनमा योगदान गर्नु र यसका माध्यमबाट खेलप्रति आम नागरिक र युवा वर्गलाई प्रेरित गर्नुु नै रहेको छ । स्वास्थ्य युवा स्वस्थ्य समाज भन्ने नारासहित खेलको आयोजना हुनेछ ।’ उनले भने ।
यस प्रतियोगितमा ३२० युवा प्रत्यक्ष र करिब ५०० युवाहरु यस कार्यक्रममा परिचलित हुनेछ । खेल विहान ८ देखि १२ बजेसम्म लैनचौरस्थित खेलमैदान हुनेछ ।
वडा सदस्य गोपाल नापितको संयोजकमा हुन गईरहेको यस खेलमा बिजेता टिमले २ लाख रुपियाँ नगद पुरस्कार, ट्रफी तथा प्रमाणपत्र पाउने छन ।
त्यसैगरी, उपबिजेता टिमले १ लाख, उत्कृष्ट खेलाडी एक जनाले १० हजार, सर्वाधिक गोलकर्ता १ जनाले १० हजार र उत्कृष्ट गोल रक्षक एक जनाले नगद र १० हजार पाउने व्यवस्था गरिएको वडा अध्यक्ष महर्जनले जानकारी दिए ।
यस प्रतियोगिताको लागि १६ लाख रुपियाँ बजेट बिनियोजन गरेको जानकारी दिँदै खेलको उद्घाटन समारोह काठमाडौं महानगर प्रमुख बालेन्द्र साह (बालेनको ) प्रमुख आतिथ्य र विशेष अतिथि उपप्रमुख सुनिता डंगोलको उपस्थितीमा हुने छन । साथै सो अवसरमा १ देखि ३२ वटै वडाका वडा अध्यक्षहरु उपस्थिती हुनेछ ।
Categorized in मनोरन्जन