काठमाडौं । राजधानीमा अन्तर्राष्ट्रिय जेम्स एण्ड ज्वेलरी एक्स्पो–२०१९ हुने भएको छ ।
नेपाल सुनचाँदी रत्न तथा आभुषण महासंघ र खानी तथा भूगर्भ विभागको संयुक्त आयोजनामा शुक्रवारदेखि ३ दिनसम्म एक्स्पो हुने बुधवार पत्रकार सम्मेलन गरेर अयोजकले जानकारी दिएको छ ।
लैनचौरस्थित विभाग परिसरमा हुने एक्स्पोको उद्घाटन प्रधानमन्त्री केपी शर्मा ओलीले गर्ने भएको छ ।
६० वटा स्टल रहने सो एक्स्पोमा गोल्ड, डायमण्ड ज्वेलरीका ३६ वटा स्टल रहने छ भने बाँकी लुज जेम्स ४, सिल्भर ज्वेलरी २, ल्यापिडरी २, रक एण्ड मिनरल्स १२ रहने छ ।
त्यसैगरी एजुकेशन ४ ओटा स्टल रहने महासंघका अध्यक्ष रमेश महर्जनले पत्रकार सम्मेलनमा जानकारी दिए । मेलामा नेपाली पत्थरको पनि प्रर्दशनी गरिने विभागका महानिर्देशक सोमनाथ सापकोटाले बताए ।
सो मेलामा नेपालमा पाईने खानीहरुको उत्खनन, अन्वेषण तथा प्रयोग बारे स्पष्ट जानकारी दिने उदेश्य रहेको विभागले बताए ।
Categorized in सौन्दर्य