काठमाडौं । रोशनी शाहीले निर्वतमान सभामुख कृष्णबहादर महराविरुद्ध दिएको उजुरी अनुसार कार्वाही महरालाई ५ बर्षसम्म जेल हुनेछ ।
पीडित शाहीले नयाँ बानेश्वर प्रहरी वृत्तमा शुक्रबार महराले आफूलाई बलात्कार गर्न प्रयास गरेको र त्यसको प्रतिवाद गर्दा आफूमाथि हिंसा परेको उल्लेख गरी उजुरी गरेको छ ।
मुलुकी फौजदारी संहिता २०७४ अनुसार १८ वर्षभन्दा माथि उमेरका महिलालाई जबरजस्ती करणी गरेको अवस्थामा ७ देखि १० वर्षसम्मको कैद हुने व्यवस्था छ भने जबरजस्ती करणीको प्रयास गरे त्यसको आधी सजाय हुने व्यवस्था संहिताले गरेको छ ।
यो कानुन अनुसार निवर्तमान सभामुख महराले रोशनी शाहीमाथि जबरजस्ती करणीको प्रयास प्रमाणित भएमा साढे ३ देखि ५ वर्षसम्म जेल सजाय भोग्नुपर्नेछ ।
प्रहरीले आईतबार अदालत खुलेपछि अदालतको आदेश लिएर महरालाई पक्रने तयारी गरेको छ ।
Categorized in समसामायिक