काठमाडौं । अख्तियार दुरुपयोग अनुसन्धान आयोगले जुम्लाको गुठी चौरस्थित ५९० रोपनी जग्गा अतिक्रमण गर्ने एघार जनालाई सात भित्र काठमाडौंमा उपस्थित हुन निर्देशन दिएको छ ।
राष्ट्रिय भेंडाबाख्रा अनुसन्धान कार्यक्रमको जग्गा तत्कालिन मालमोत अधिकृत गोबिन्द प्रसाद न्यौपानले आफ्ना परिवारको नाममा दर्ता गरेको खुलासा भएपछि खोजविन सुरु भएको थियो ।
अख्तियारले न्यौपानेकी श्रीमती गोमा न्यौपाने, छोरी पार्वती न्यौपाने, कविदत्त न्यौपाने, केशवराज न्यौपाने, नवऋषी न्यौपाने, देवेन्द्र प्रसाद उपाध्याय, विष्णुऋषी शर्मा न्यौपाने, विष्णुलाल न्यौपाने, विष्णु न्यौपाने, मायालाल न्यौपाने र जानकीदत्त देवकोटालाई हाजिर हुन निर्देशन गरेको हो ।
अख्तियारले तोकेको समयसिममा उपस्थित नभए कानुनबमोजिम कार्वाही हुने चेतावनी पनि दिएको छ ।
सो जग्गा प्रकरणमा केही व्यक्ति पक्राउ समेत परेको र उनीहरुलाई कार्वाहीको तयारी गरेको अख्तियारले जनाएको छ ।
Categorized in राष्ट्रिय
