काठमाडौं । प्रधानन्त्री केपी शर्मा ओलीले विषादी परीक्षणबारे भारतीय कुटनीतिक स्तरबाट आएको दवावबारे आफूलाई कुनै जानकारी नदिई भ्रममा राखेको बताएको छ ।
ओलीले नेपाल टेलिभिजनबाट प्रसारित ‘जनतासँग प्रधानमन्त्री’ कार्यक्रममा भारतीय पक्षबाट आएको पत्रबारे आफूलाई पछिमात्र थाहा भएको बताउँदै सो जानकार पहिल्यैनै नदिएर अनभिज्ञमा राखेको भनाई राखे ।
उनले प्रधानमन्त्रीको हैसियतमा आफूले त्यसबारे जानकारी पाउनुपर्नेमा कर्मचारी पंक्तिले भ्रममा राखेको हुनसक्ने ओलीको आशंका छ ।
कर्मचारी पंक्तिले जानेर होस वा नजानेर वा थाहा नभएर आफूलाई यसबारे जानकारी नदिई गुमराहामा राखेको प्रम ओलीले बताए ।
यस विषादी परीक्षण स्थगितको प्रस्ताव मन्त्रिपरिषदमा लग्ने उद्योग, वाणिज्य तथा आपूर्ति मन्त्री मात्रिका यादवले पनि पत्रकार सम्मेलन गरी कर्मचारीहरूले आफूलाई गुमराहमा राखेको बताएका थिए ।
त्यसैगरी कृषीमन्त्री चक्रपाणी खनालले पनि विषादी परीक्षणको पुर्वाधार भएको र परिक्षण गर्ने सक्ने भन्दै मन्त्रिपरिषदको निर्णयको खण्डन समेत गरेको थियो ।
यतिमात्र नभए एक अनलाईनले भारतीय राजदूतावासले विषादी परीक्षण रोक्नबारे पत्रनै सार्वजनिक गरेपछि प्रधानमन्त्री ओलीले पत्र नआएको दावीको फर्दाफास गरेपछि सरकार झनै आलोचित बन्न पुग्यो ।
सर्वोच्च अदालतले पनि बुधवार विषादी परिक्षण रोक्ने निर्णय कार्यन्वयन गर्न आदेश दिएपछि सरकार अप्ठेरोमा परेको छ ।
Categorized in समसामायिक