काठमाडौं । प्रधानमन्त्री केपी शर्मा ओलीले गुठी आन्दोलन चर्कदै गएपछि परामर्श तिव्र बनाएका छन ।
सोमबार प्रम ओलीले उपत्यकाका जनप्रतिनिधिहरुलाई बोलाएर विधेयकबारे छलफल तथा परामर्श गरेका छन ।
बैठकमा सहभागी जनप्रतिनिधि तथा सांसदहरुले विधेयक फिर्ता लिन प्रमलाई सुझाव दिएको सांसद रामवीर मानन्धरले बताए ।
विधेयक फिर्ता लिनमै सबैले जोड दिएपछि प्रम ओलीले विधेयकबारे मन्त्रिपरिषद्को बैठकमा लगेर छलफल चलाउने बताएका थिए ।
प्रम ओलीले प्रस्तावित विधेयककामा कहि कतै कमजोरी रहेको छ भने संसोधनमार्फत हल गर्न सकिने भएपनि जनप्रतिनिधिको सुझावलाई बैठकमा छलफल गर्ने बताए ।
नेकपा सांसाद मानन्धरले विधेयक फिर्ता नभए असार ४ गते थामिनसक्नु आन्दोलन हुने चेतावनी समेत दिए ।
यस अघि सोमबार विहान भूमि व्यवस्थामन्त्री पद्मा अर्यालले प्रधानमन्त्रीलाई ब्रिफिङ गरेकी थिइन ।
Categorized in समसामायिक