पाटनको मंगलबजारमा गुठी विधेयकविरुद्ध उर्लियो जनसागर (फोटो फिचर)
काठमाडौं । माईतीघर मण्डलबाट सुरु भएको गुठी विधेयक विरुद्धको प्रदर्शन अव उपत्यकाव्यापी बनेको छ ।
विहिवार पाटनको मंगलबजारमा गुठी विधेयकविरुद्ध जनसागर उर्लिएको छ । पाटनको १९ वटा जातिय संघ, संस्थाको अगुवाईमा भएको सो बृहत प्रदर्शनीमा उपत्यकाका सबै क्षेत्रबाट ठुलो संख्यामा सहभागी जनाएका थिए ।
उनीहरुले सरकारले ल्याएको गुठी विधेयकको चर्को नारावाजी गर्दै विधेयक फिर्ता गर्न चेतावनी दिएको छ ।
पाटनको विभिन्न टोलबाट बेलुका ५ बजे निस्केको जुलुस मंगलबजारमा गएर विशाल सभामा परिणत भएको थियो ।
उपत्यकावासीको सम्पदामाथि चोट पुराएको र गुठीको जग्गा हडपी भू–माफियाहरु पोस्ने कार्य भन्दै जन आक्रोश बढेको छ ।
गुठीमाथिको आक्रमण उपत्यकावासीको लागि असहय हुने भन्दै आन्दोलन दिनदिनै चर्कदै गएको छ । अहिलेको आन्दोलनलाई सरकारले थेग्न नसक्ने अवस्था देखिएको छ ।
सभालाई नेवाः राष्ट्रिय देय दबूका अध्यक्ष नरेश ताम्राकार, ताम्रकार समाजका अध्यक्ष रविन्द्रराज ताम्राकारलगायत गुठी अगुवाहरुले सम्बोधन गरेका थिए ।
Categorized in समसामायिक
