काठमाडौं । उपत्यकाको ज्यापू समुदायको संगठित संस्था ज्यापू महागुथीले शनिवार विहान बसन्तपुरमा भव्य ¥याली सँगै विरोध सभा गरेको छ ।
गुठी विधेयक विरुद्ध संघर्ष समिति, ज्यापू महागुथीको आव्हानमा निस्केको विशाल ¥यालीले न्यूरोड, जुद्धशालिक, इन्द्रचोक हुँदै बसन्तपुरको महादेव पार्वती डलवीमा विरोध सभामा परिणत भएको थियो ।
सभालाई महागुथीका अगुवाहरुले कार्यक्रमलाई सम्बोधन गर्दै गुठी विधेयक खारेजीको माग गर्दै आन्दोलनमा सहभागी हुन आग्रह गरेका थिए ।
सरकारले आफूहरुको माग पुरा नगरे सरकारले थेग्न नसक्ने आन्दोलन ल्याउने चेतावनी समेत दिएका छन । उपत्यकाको गुठी संस्कृतिमाथिनै सरकारले हस्तक्षेप गरेपछि जनता सडकमा स्वर्तफूर्त रुपमा निस्केका छन ।
गुठी विधेयक विरुद्ध नेवाः समुदायका विभिन्न जातिय खल, पुचःहरुले शक्ति प्रदर्शन गर्दै आएको छ ।
यसैविच आज बेलुका ६ बजेको काठमाडौंको यंगालमा विधेयकको विरुद्धमा घण्टी, सिटी, डमरु जुलुस प्रदर्शन गर्ने भएको छ ।
Categorized in समसामायिक