आज बसन्तपुरमा खबरदारी सभा, पाटन मंगलबजारमा पनि
काठमाडौं । गुठी आन्दोलन संघर्ष समितिले काठमाडौंको बसन्तपुरमा भव्य खवरदरी सभा गर्ने भएको छ ।
बेलुका ४ बजे बसन्तपुरस्थित महादेव पार्वती डबलीमा हुने सो खवरदारी सभा भन्दा पहिले न्यूरोडको जुद्धशालिकमा भेला भई रत्नपानपार्क परिक्रमा गर्ने कार्यक्रम रहेको समितिले जनाएको छ ।
सभामा गुठी विधेयक खारेजीको जोडदार रुपमा माग गर्ने समितिले जनाउँदै सभामा सहभागी हुन सरोकारवाला, स्थानीय, गुठियार, सर्वसाधरण सबैलाई आव्हान गरिएको छ ।
त्यसैगरी पाटनमा आज भव्य रुपमा खवरदारी सभा सम्पन्न गर्ने समितिले जनाएको छ । असार ४ गते माईतीघर मण्डलमा हजारौं उपत्यकावासीको सहभागीता गरिएको खवरदारी सभालाई निरन्तरता दिदै कार्यक्रमहरु समितिले गरिरहेको छ ।
सरकारले औपचारिक रुपमा असार १० गते राष्ट्रिय सभाबाट फिर्ता लिने घोषणा गरेको छ । यस अघि असार ३ गते गुठी विधेयक खारेजीको माग चौतर्फी भएपछि सरकारले फिर्ता लिएको थियो ।
Categorized in समसामायिक
