काठमाडौं । इलाम–२ का एमाले उम्मेदवार सुवाङ नेम्बाङ पछिल्लो मतगणना अनुसार नेपाली कांग्रेसका डम्बरबहादुर खड्का भन्दा ६ हजार ४३९ मतले अगाडी छन ।
नेम्वाङले अहिलेसम्म १९११४ मत पाएका छन भने खड्काले १२,६७५ मत पाएका छन ।
तेस्रो स्थानमा रहेका मूढा चुनाव चिन्हका स्वतन्त्र उम्मेदवार डकेन्द्रसिंह थेगिमले ९४१० र रास्वपाका उम्मेदवार मिलन लिम्बूले ३२४२ मत पाएका छन ।
अब इलाम नगरपालिकाको मतगणना हुने तयारी भईरहेको छ । इलाम नपामा ३२ हजार ४४१ मतदाता रहेकोमा २० हजार ६६५ मत खसेको छ ।
यता बझाङ (१) को प्रदेशसभा उपनिर्वाचनमा नेकपा एमालेका दमनबहादुर भण्डारी निर्वाचित भएका छन ।
सोमबार दिउँसो सकिएको मतगणनामा उनले ११ हजार ६१३ मत ल्याएर निर्वाचित भएका हुन ।
उनका निकटतम प्रतिस्पर्धी नेपाली कांग्रेसका अभिषेक सिंहले ११ हजार ३४६ मत पाएका छन । माओवादी केन्द्रका उम्मेदवार जनक बुढाले ३ हजार ८३१ मत पाएका छन ।
त्यस्तै एकीकृत समाजवादीका दिलबहादुर सिंहले २५१४ मत पाएका छन ।
Categorized in राष्ट्रिय